حكاية زمن
حكاية عمر معتق
بخوابي الخمر
ومطرز بخيوط الدهب ومعطر
بعطر الزهر
وفيها أجمل حكايا الصبايا
والشباب السمر
وكانت المحبة معباي الدني
متل سنابل القمح غمر فوق الغمر
والحصادين يرندحوا مواويل
الهوى المعطرة بأحلا عطر
ياريت ترجعنا يازمن ولاد صغار
نلعب على ضفاف النهر
ونطير متل الفراشات ونقطف
باقات الزهر
كان القمر باليل يغازل النجمات
وهونيك عالبيدر
نحكي قصص وحكايات ونفرح
ونسهر للفجر
كنا نعزف على ناي القصب أجمل
غناني الهوى
بتشيل من القلب الأسى
وبتزيل القهر
وإن كنت عادل يازمن بتشيل
من قلوب الناس ويلات ومحن
ورجاع يازمن ورجع معك أيام الهنا
وخلي الناس تفرح بعد الشقا
وظلم الدهر
