الأيام إلِّلي تروح...
الأيام الِّلي تروح
عُمرها مَتِرجَع تانى
عَلى إيه كتر الخصام
وفْ .حُبك تِبْقى أناني
كِفايـه ملام وِعتَاب
لا نْساك ولا تِنساني
تَعَال نِنْسى الِّلي فَات
ونِرجَع لِبَعض مِن تاني
بقالي كِتير حزِينه
مِحْتَاجَه لِأي فرْح
وبَسمَه مِنك يا عُمْري
تدَاوي كُلْ جَرْح
بَقالي كتير وَأنا
طَالْ إنْتِظَاري هِنا
دْموعي ع .الخِدُود
فَاقِتْ كُلْ الحِدُودْ
حَفَرِتْ طَريق مَرْسوم
بالحُزْن وِكُتر الهِمُوم
وِيطول بيا السَهَرْ
يبكي عَليَّا القَمَرْ
وأصبر رُوحي وقُول
حَتى لَو الأيام تِطول
مِسيره يرْجَعلِي يوم
وِيشِيل عَني الهِمُومْ
يْضُمِّني بشُوق وحَنين
وِيداوي جراح السِنينْ...
